काठमाडौं । काठमाडौंका विभिन्न पाँच क्षेत्रहरूमा दुई महिनासम्म पाँच जनाभन्दा बढी भेला भई प्रदर्शन,धर्ना,जुलुस जस्ता विरोधका कार्यक्रम गर्न नपाइने भएको छ ।
जिल्ला प्रशासन कार्यालय काठमाडौंले राष्ट्रपति कार्यालयदेखि सिंहदरबार र प्रधानमन्त्री निवाससम्मका संवेदनशील क्षेत्रमा दुई महिना कार्तिक १ गतेदेखि लागू हुने र मंसिर अन्त्यसम्म लागि प्रदर्शन, जुलुस र भेला गर्न निषेध गरेको हो ।
प्रमुख जिल्ला अधिकारी (सीडीओ) ईश्वरराज पौडेलले स्थानीय प्रशासन ऐन, २०२८ को दफा ६ (३क) बमोजिमको अधिकार प्रयोग गर्दै पाँच जनाभन्दा बढी व्यक्ति जम्मा हुन नपाउने गरी निषेधाज्ञा जारी गरेका हुन्।
