काठमाडाैं । नेपाल सुनचाँदी व्यवसायी तथा कालीगढ संघर्ष समिति आन्दोलनमा उत्रिएकाे छ । सुनमा लगाइएको विलासिता कर र हिरा-जवाहरत पत्थरमा लगाइएको १३ प्रतिशत मूल्यअभिवृद्धि कर खारेजीको माग गर्दै समिति आन्दोलनमा उत्रिएकाे हाे ।
सरकारले आर्थिक वर्ष २०८२/०८३ को बजेटमा सुनमा २ प्रतिशत विलासिता कर र हिरा जवाहरत पत्थरमा १३ प्रतिशत भ्याट लगाउने घोषणा गरेको छ। व्यवसायीहरूले भने त्यस्तो कर व्यावहारिक नभएको भन्दै तत्काल खारेज गर्न माग गरिरहेका छन्। समितिले गत बुधबार अर्थमन्त्री विष्णुप्रसाद पौडेललाई भेटेर ध्यानाकर्षण पत्र बुझाएका थिए । माग सुनुवाइ नभएपछि व्यवसायीहरू पसल बन्द गरेर सडक आन्दोलनमा उत्रिएका छन् ।
सरकारले अनावश्यकरुपमा लगाएको कर खारेजीको विकल्प नभएको समितिकाे भनाइ छ ।
