काठमाडौं, ४ माघ । नेकपा माओवादी केन्द्रकी प्रवक्ता पम्फा भुसालले सरकार गठन अघि नै एमालेसँग पार्टी एकता हुने दाबी गरेकी छन् । प्रवक्ता भुसालले पार्टी एकताका लागि शीर्ष तहमा मात्रै सहमति हुन बाँकी रहेको बताएकी छन् ।
बिहीबार काठमाडौंमा आयोजित साक्षात्कार कार्यक्रममा बोल्दै उनले पार्टी एकताका लागि एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाललाई जिम्मेवारी दिइएको उनले बताइन् ।
प्रवक्ता भुसालले पार्टी एकताका लागि सैद्धान्तिक विषयमा कुनै समस्या नरहेको स्पष्ट पारिन् । उनले सांगठनिक रुपमा कुनै समस्या देखिए कार्यदल बनाएर सहमति जुटाइने योजना पनि अघि सारिन् । प्रवक्ता भुसालले प्रदेश प्रमुख तोक्ने सरकारको निर्णयमा आफ्नो पार्टीको कुनै सहमति नरहेको बताइन् ।
