काठमाडौं, १९ भदौ । एसिया कप क्रिकेटमा सोमबार नेपालले भारतसँग कडा प्रतिस्पर्धा गर्यो । पहिलोपटक एसिया कप क्रिकेटमा सहभागि भएर इतिहास बनाइसकेको नेपालले समूह चरणको निर्णायक खेलमा राम्रो ब्याटिङ गरे पनि त्यो भारतलाई चुनौती दिन पर्याप्त भएन ।
नेपाल विश्व क्रिकेटको शक्ति भारतसँग १० विकेटले पराजित भयो । कप्तान रोहित शर्मा र शुबमन गिलले ब्याटिङबाट भारतलाई सजिलो विजय दिलाए ।
आईसीसी एकदिवसीय वरीयतामा भारत तेस्रो नम्बरमा छ भने नेपाल १५औँ स्थानमा छ ।
आठौं विकेटका रुपमा नेपालका सोमपाल कामी आउट भएका थिए । कामी अर्धशतक पूरा गर्न चुके ।
सोमपालले भारतीय क्रिकेटर विराट कोहलीसँगको तस्बिर सामाजिक सञ्जालमा सेयर गर्दै लेखेका छन्,‘विराट कोहली क्रिकेटर मात्रै होइन, भावना पनि हुन्’
