काठमाडौं । युएईमा जारी आईसीसी विश्वकप लिग टु अन्तर्गतको त्रिकोणात्मक सिरिजमा यूएईले नेपाललाई २ सय ८ रनको चुनौती दिएको छ ।
दुबई अन्तर्राष्ट्रिय क्रिकेट मैदानमा जारी खेलमा यूएईले निर्धारित ५० ओभरमा ८ विकेटको नोक्सानीमा २ सय ७ रन बनाएको हो ।
नेपालका लागि सन्दीप लामिछानेले कसिलो बलिङ गर्दै ३ विकेट लिए । १० ओभर बलिङ गरेका लामिछानेले २७ रन मात्र दिए । साथै, अरिफ सेख, कुशल मल्ल र करण केसीले समान एक/एक विकेट लिए ।
यस सिरिजमा दुवै टोलीको यो दोस्रो खेल हो । पहिलो खेलमा नेपालले पपुवान्युगिनीलाई पराजित गरेको थियो भने युएई पपुवान्युगिनीसँग ठूलो रन रेटले पराजित भएको थियो ।
