काठमाडौं, १२ फागुन । नेपाली कांग्रेसले शीर्ष नेताहरुको बैठक बोलाएको छ । राष्ट्रपति निर्वाचनबारे छलफल गर्न पार्टीका शीर्ष नेताहरुको बैठक धुम्बाराहीमा बिहान ८ बजे बोलाइएको हो । पार्टी सभापति शेरबहादुर देउवा निवास बस्ने बैठकमा राष्ट्रपतिको उम्मेदवारबारे छलफल हुने जनाइएको छ ।
आजै देउवाले प्रधानमन्त्री पुष्पकमल दाहाल प्रचण्डसँग वार्ता गर्दैछन् । त्यसपछि पुराना सत्तागठबन्धनमा आबद्ध दलहरु कांग्रेस, माओवादी, एकीकृत समाजवादी र जसपाको बैठक बसेर गठबन्धन ब्युताउने औपचारिक निर्णय गर्ने जनाईएको छ । आगामी फागुन २५ गते राष्ट्रपतिको चुनाव हुँदैछ । निर्वाचन आयोगले राष्ट्रपतिको उम्मेदवार मनोनयन दर्ता फागुन १३ गतेलाई तोकेको छ । FIle photo
