काठमाडाैं, २८ चैत । रुकमांगद कटवाल ट्रष्टले गरिव विद्यार्थीहरुलाई छात्रबृत्ति वितरण गरेको छ । शनिबार आर्मी अफिसर्स क्लबमा आयोजित कार्यक्रममा ट्रष्टले छात्रबृत्ति वितरण गरेको हो ।
२०७६ सालमा कोरोना माहामारीका कारण छात्रबृत्ति वितरण गर्न नपाएकोले २०७६/०७७ सालको छात्रबृत्ति एकैपटक ३८ जनालाई वितरण गरेको हो । २०७१ सालमा गठीत ट्रष्टको सहयोगमा हालसम्म ८० जनाले अध्यन पुरा गरिसकेका छन् ।
विशेषगरी दलीत, जनजाती र तराईबासीलाई छात्रवृत्तिमा प्राथमिकता दिएको ट्रष्टका अध्यक्ष रुकमांगत कटवालले बताएको छ । गरिबीको कारण रुची हुँदाहुँदै पनि अध्यनमा पूरा गर्न नपाएकालाई छात्रवृत्तिले राहत पुग्ने विश्वास गरिएको छ ।
