काठमाडौँ, २४ असोज । एएफसी एसियन कप छनोट चरण अन्तर्गत हुने खेलमा आज नेपाल ताजकिस्तान विरुद्व खेल्नेछ।
ताजकिस्तानको नेपालसँग यो दोस्रो खेल हो । यस अघि भएको पहिलो खेलमा नेपाल घरेलु मैदानमा २ १ पराजित भएको थियो ।
समुह एफको अन्तिम स्थानमा रहेको नेपालले अहिलेसम्म तीन खेल खेलीसकेको छ । छनोटका अहिले सम्म भएका खेलमा नेपालले एउटा जित पनि हासिल गर्न सकेको छैन ।
समूहमा फिलिपिन्स ७ अंकसहित शीर्षस्थानमा, यमन ४ अंकसहित दोस्रो र ३ अंक जोडेको ताजकिस्तान तेस्रो स्थानमा छ।
समूहका शीर्ष दुई टोली अर्को बर्ष युनाइटेड अरब इमिरेट्स युएई मा हुने एसियन कपको अन्तिम चरणका लागि छनोट हुनेछन् ।
