एजेन्सी, २० असोज । विश्वकप छनोट अन्तगर्त भएको खेलमा अर्जेन्टिना पेरुसँग गोल रहित बराबरीमा रोकिएको छ ।शुक्रबार बिहान भएको पेरु विरुद्वको खेलमा अर्जेन्टिना गोलरहित टुगिंएसँगै अर्जेन्टिना छैटौँ स्थानमा झरेको छ ।

अर्जेन्टिनाले खेलको सुरुवात देखि नै पेरुलाई दवाबमा राखे तापनि पहिलो हाफमा गोल गर्ने ३ सुन्दर मौका खेर फालेको थियो । पहिलो हाफको १३ औँ, २४ औँ र ३९ औँ मिनेटमा गोल गर्ने मौका अर्जेन्टिनाले चुकाएको थियो । दोस्रो हाफमा समेत मेस्सीलगाएतका अर्जेन्टिनाका स्ट्राइकरले गरेको प्रहार बिफल भएपछि खेल बराबरीमा रोकिन बाध्य भयो । यता पेरुले पनि आक्रमकरुप देखाउँदा पनि कुनै गोल गर्न सकेन ।

सोही खेलको बराबरी पछि अर्जेन्टिनाले आफ्नो स्थान प्लेअफ चरणमा सुरक्षित बनाउन ११ अक्टोबरमा इक्वेडरलाई पराजित गर्नुपर्ने हुन्छ ।