काठमाडौँ, २० चैत । कोरोना भाइरसका कारण जापानी कमेडियन ‘केन शिमुरा’को मृत्यु भएको छ । विश्वव्यापी फैलिएको यस भाइरसको सङ्क्रमणबाट ७० वर्षीय केनको आइतबार मृत्यु भएको जनाइएको छ । उनलाई कोरोनाको सङ्क्रमणपछि निमोनिया भएको थियो ।
मार्च २० मा अस्पताल भर्ना भएका उनको स्वास्थ्य परीक्षण गर्दा निमोनिया र कोरोना पोजेटिभ देखिएको थियो । शिमुरा जापानका चर्चित कमेडियन हुन् । उनलाई जापानका ‘रोबिन विलियम’ का नामले चिनिन्थ्यो । उनी कोरोनाका कारण ज्यान गुमाउने जापानका पहिला कलाकार हुन् ।
