काठमाडौं, १९ माघ । सत्तारुढ नेकपाले अमेरिकन मिलेनियम च्यालेञ्ज कर्पोरेसन एमसीसी अध्ययन गर्न बरिष्ठ नेता झलनाथ खनालको संयोजकत्वमा तीन सदस्यीय कार्यदल बनाएको छ । कार्यदलमा स्थायी समिति सदस्यद्वय परराष्ट्रमन्त्री प्रदीप ज्ञवाली र भीम रावल सदस्य रहनुभएको छ ।
पार्टीभित्र ज्ञवाली एमसीसी पास गर्नुपर्ने पक्षमा हुनुहुन्छ भने रावलले एमसीसीको विरोधमा केन्द्रीय कमिटी र स्थायी कमिटीमा फरक मत राख्नुभएको छ । खनालको नेतृत्वमा कार्यदल बनाउने प्रस्ताव आइतबार प्रधानमन्त्री निवास बालुवाटारमा बसेको सचिवालय बैठकले ल्याएको थियो।
सचिवालयले ल्याएको प्रस्ताव केन्द्रीय कार्यसमितिको राष्ट्रियसभा गृहमा बसेको बैठकले पारित गरेको हो । कार्यदललाई १० दिनको समय दिइएको छ ।
