एजेन्सी, १३ मंसिर । इंग्लिस क्लब म्यानचेस्टर युनाइटेड युरोपा लिगमा काजकस्तानको क्लब एफसी एस्टानासँग पराजित भएको छ । बिहिबार राति भएको समूह चरणको खेलमा युनाइटेड एस्टानासँग २–१ ले पराजित भएको हो ।
खेलको १० औं मिनेटमा जेसे लिंगार्डले गोल गर्दै युनाइटेडलाई अग्रता दिलाएका थिए । ५५ औं मिनेटमा दिमित्री शोम्कोले गोल गर्दै घरेलु टोली अस्टनालाई १–१ गोलको बराबरीमा फर्काए । त्यसपछि ६२ औं मिनेटमा डी शोन बर्नार्डले आत्मघाती गोल गर्दा एस्टाना २–१ ले विजयी भयो । एस्टानासँग पराजित भएपनि युनाइटेड समूह एलको शीर्ष स्थानमा रहेको छ ।
यस अघि नै नकआउट चरणमा पुगिसकेको युनाइटेडले ५ खेलमा १० अंक जोडेको छ । एस्टानाले पहिलो जितसहित ३ अंक जोडेको छ ।
