काठमाडाैं, १२ कात्तिक । नेपालीहरुको दोस्रो ठुलोचाड तिहार अन्तर्गत मंगलबार भाइटीका मनाइँदै छ । कार्तिक शुक्ल द्वितीया अर्थात् आजको दिन भाइटीका दिदीबहिनीले दाजुभाइको दीर्घायु, सुख शान्तिको कामना गरी अष्ट चिरञ्जीवी, यमराज, यमुना एवं बलि राजाको पूजा गरी त्यसको प्रसाद लगाइदिने चलन छ ।
देशैभर आज दाजुभाइले दिदीबहिनीको हातबाट सप्तरंगी टीका र कहिल्यै नओइलाउने मखमली फूलको माला लगाउने गरिन्छ । नेपाल पञ्चाङ्ग निर्णायक समितिका अनुसार भाइटीकाको साइत आज बिहान ११ बजेर ५५ मिनेटमा भाइटीकाको उत्तम रहेको छ ।
