काठमाडौँ, २३ असोज। संचारको सुरुवात गरेको हुलाक अस्तित्व जोगाउने प्रयासमा, संचार जगतमा आएको परिवर्तनले आजभोली हुलाकको प्रयोग न्युन छ ।
बुधबार, विश्व हुलाक दिवस । हरेक वर्षको अक्टोबर ९ मा विश्व हुलाक दिवस मनाईने गरिन्छ । सन् १८७४ मा जापानको टोकियोमा अन्तर्राष्ट्रिय हुलाक संघको गठन भएको संझनामा सन् १९ सय ६९ देखि विश्व हुलाक दिवस मनाउन सुरु गरिएको हो ।
आधुनिक संचार जगतको सुरुवात नै हुलाकबाट भएको हो । विदेश गएका तथा टाढा भएका आफन्त वा परिवारका सदस्यहरुले घरमा कुरा गर्न र जानकारी लिन हुलाकको प्रयोग गर्ने गर्थे । गाउँघर देखि परदेश वा टाढासम्म चिठी वा खबर पु¥याउने हुलाकीहरु हुन्थे । उनिहरुले आफ्नो जीवनकाल नै चिठी ओहोरदोहोर गर्न मै वताएका छन् । उनिहरुको योगदानको संझनामा स्वरुप पनि अक्टोबर ९ मा हुलाक दिवस मनाइन्छ ।
पहिले गाउँमा कोहि आउने वित्तिकै हुलाकी आए होलान भन्ने हुन्थ्यो । साथै हुलाकी आए ए हुलाकी दाई मेरो पत्र आएको छ भनेर भन्ने दिन अहिले छैन । संचार जगतमा आएको परिवर्तनले आजभोली हुलाकको महत्व कम हुँदै गएको छ ।
हुलाकको ठाउँमा आजभोली विस्तारै आकाशवाणी, ट्रकंल फोन, दुरसंचार, मेसेन्जर, च्याटरुम, ईमेल, फेसवुक, ट्वीटर हुँदै हातहातमा भएको मोवाइलको युगले संचार क्षेत्रलाई नै परिवर्तन गरिदिएको छ । हुलाकको प्रयोग घट्दै गए पनि हामी आजभोली पनि औपचारीक वा अन्य अनौपचारीक जानकारी आदान प्रदानहरुमा चिठीको प्रयोग गर्ने गर्छौ । संचारको प्रारुप मानिएको हुलाकको जगेर्ना गर्न र आउँदो पुस्तालाई समेत भावि पुस्तालाई बताउन जरुरी देखिन्छ ।
