काठमाडौं, १० असोज । बंगलादेश नेपालमा जारी तेस्रो संस्करणको साफ यू–१८ च्याम्पियनसिप फुटबलको फाइनलमा प्रवेश गरेको छ । शुक्रबार भएको पहिलो सेमिफाइनलमा भुटानलाई ४–० गोल अन्तरले हराउँदै बंगलादेश फाइनलमा पुगेको हो ।
हल्चोकस्थित शसस्त्र प्रहरी बलको मैदानमा बंगलादेशलाई जित दिलाउन तानबिर हुसेन, फोसल अहमेद फाहिम, मिराज हुसेन र दिपक रोयले एक एक गोल गरे । अब बंगलादेशले उपाधिका लागि भारत र माल्दिभ्सबीचको विजेतासँग खेल्नेछ । भारत र बंगलादेशबीचको दोस्रो सेमिफाइनल खेल आजै दिउँसो हुनेछ । प्रतियोगिताको फाइनल खेल आइतबार हुनेछ ।
