क्याम्पसका २५ जना उत्कृष्ट विद्यार्थीले जनही एक लाख रुपैयाँका दरले छात्रवृत्ति पाए
काठमाडौं, १७ असार । निजी क्षेत्रको दूरसञ्चार सेवा प्रदायक कम्पनी एनसेलले इन्जिनियरिङका विद्यार्थीलाई छात्रवृत्ति वापत २५ लाख रुपैयाँ दिएको छ ।
एनसेलले पुल्चोक इन्जिनियरिङ क्याम्पसमा विभिन्न विषयमा अध्ययनरत विद्यार्थीलाई मंगलबार ललितपुरमा एक कार्यक्रम गरी छात्रवृत्ति रकम वितरण गरेको हो । क्याम्पसका २५ जना उत्कृष्ट विद्यार्थीले जनही एक लाख रुपैयाँका दरले छात्रवृत्ति पाएका छन् ।
इलेक्ट्रोनिक्स, इलेक्ट्रिकल, सिभिल, यांत्रिक र कम्प्युटर इन्जिनियरिङ गरी पाँच विषयमा स्नातक तहका विभिन्न वर्षमा उत्कृष्ट अंक ल्याउने विद्यार्थीलाई छात्रवृत्ति प्रदान गरिएको एनसेलले जनाएको छ ।
