काठमाडौं, २० जेठ । एनसेलले सात प्रदेशका एक हजार भन्दा बढी स्थानमा फोरजी सेवा संचालमा ल्याएको छ । एनसेलले आईतबारदेखि देशका सातै प्रदेशका एक हजार भन्दा बढी स्थानहरुमा फोरजी सेवा संचालनमा ल्याएको जनाएको छ ।
अब फोरजी सेवा शहरी क्षेत्र भन्दा बाहिर रहेका ग्राहकहरुले द्रुत गतिको मोबाईल ब्रोण्ड ब्याण्डमा पनि यो सेवाको फाईदा लिन सक्ने एनसेलले जनाएको छ । द्रुत गतिको मोबाईल कनेक्टीभिटीमा पहुच सुनिश्चित गर्न शहरी क्षेत्र भन्दा बाहिरका स्थानहरुमा समेत समेटदै सफलतापुर्वक फोरजी सेवाविस्तार गरिएको र यो सेवा अझै देशव्यापी रुपमा विस्तार गर्ने कार्य भईरहेको एनसेलले जनाएको छ ।
