काठमाडौं, २४ चैत । ५० प्रतिशतभन्दा बढि भाडा वृद्धि गरेको भन्दै काठमाडौंको टुकुचास्थित इच्छुमती तरकारी बजारका व्यवसायीहरुले संचालक विरुद्ध आन्दोलन सुरु गरेका छन् ।
इच्छुमती तरकारी बजार व्यवसायी हक हित संघर्ष समितिले ५० प्रतिशतभन्दा बढि भाडा वृद्धि गरेको भन्दै संचालक संस्था हरित कृषि सहकारी संस्थाविरुद्ध आईतबारबाट आन्दोलन सुरु गरेको हो । संचालकहरुले जथाभावी भाडा बढाउने तर त्यसको हिसाव कितावसमेत नराख्ने अवस्था भएपछि त्यसको विरोधमा आन्दोलन सुरु गर्नु परेको समितिका अध्यक्ष कुमार तिमिल्सिनाले जानकारी दिए ।
संघर्ष समितिले सो बजारको संचालक संस्था हरित कृषि सहकारी संस्थालाई आर्थिक हिसावकितावलाई पारदर्शी बनाउन र व्यवसायीहरुलाई डर, धाक देखाएर जथाभावी स्टल भाडा नलिन पनि सचेत गराएको छ ।
