नेपालगञ्ज, १७ चैत । बाँकेमा हुन लागेको आठौं राष्ट्रिय खेलकुद प्रतियोगिताको तालिका सार्वजनिक गरिएको छ । आईतबार नेपालगञ्जमा पत्रकार सम्मेलन गरी प्रतियोगितको तालिका सार्वजनिक गरिएकोे हो ।
राष्ट्रिय खेलकुद परिषदका सदस्य सचिव केशवकुमार विष्टले यही २०७५ चैत २७ गते खेल शुरु हुने भएपनि २०७६ वैशाख पाँच गते विधिवत् रुपमा खेलको उद्घाटन हुने जानकारी दिए।
आठौं राष्ट्रिय खेलकुद प्रतियोगिता अन्तर्गत ३५ वटा खेलमा प्रतिस्पर्धा हुनेछ । १७ वटा खेलहरु बाँकेको विभिन्न स्थानमा हुनेछ भने बाँकी खेलहरु बर्दिया, दाङ, रुपन्देही र काठमाडाैं लगायतका स्थानमा हुनेछ ।
आठौं राष्ट्रिय खेलकुद प्रतियोगिता अन्तर्गत ३५ वटा खेलहरुमा पाँच हजार दुई सय ११ जना खेलाडीहरुले प्रतिस्पर्धा गर्नेछन् । भिआई पी प्याराफिट लगायतका संरचनाहरु चैत २५ गतेभित्रै सम्पन्न भईसक्ने आयोजकले जानकारी दिएको छ ।
