विराटनगर, २८ फागुन । नेकपाका अध्यक्ष पुष्पकमल दाहालले मन्त्रिमण्डल पुनर्गठनको तयारी भइरहेको बताएका छन् । विराटनगरको सहिद रंगशालामा मंगलबारबाट सुरु भएको साफ महिला फुटबल प्रतियोगिताको उद्घाटन गर्न पुगेका दाहालले संचारकर्मीहरुसंग यस्तो बताएका हुन् ।
अध्यक्ष दाहालले मन्त्रिमण्डल पुनर्गठनका बिषयमा प्रधानमन्त्री केपी शर्मा ओलीसंग मंगलवार बिहान छलफल भएको खुलासा गरे । उनले मन्त्रि फेर्ने या पुनर्गठन गर्ने जिममा प्रधानमन्त्री ओलीलाई नै दिइएको बताए ।
सरकार सकारात्मक दिशामा अघि बढिरहेको भन्दै उनले सरकारले राम्रा र नयाँ काम गरेको दाबी गरे । आउने दिनमा सरकारले अझ गति लिने दाहालको भनाई थियो ।
