सुनसरी, ७ माघ । सुनसरी जिल्लाको बराहक्षेत्रमा अर्धकुम्भ मेलाको तयारी अन्तिम चरणमा पुगेको छ । मेला आयोजक समितीले सोमवार प्रत्रकार सम्मेलनको आयोजना गरी अर्धकुम्भ मेलाको तयारीबारे जानकारी दिएको हो ।
मेला संयोजक नरेश नेपालले नेपाल सहित भारतका विभिन्न ठाउँबाट ठुलो संख्यामा दर्शनार्थीहरु आउने जानकारी दिए । उनले सर्वसाधरणलाई सहज ढंगले दर्शन गर्न र अन्य सुरक्षा लगायतका सबै तयारी पुरा भएको बताए ।
मेला चैत २३ गतेदेखि बैशाख २४ गतेसम्म सुनसरीको बराहक्षेत्र नगरपालिका–१, चतरामा संचालन हुने आयोजकले जनाएको छ ।
