डडेल्धुरामा मृत अवस्थामा चितुवा फेला

डडेल्धुरा, १९ पुस । डडेल्धुरामा मृत अवस्थामा चितुवा फेला परेको छ । जिल्लाको अजयमेरु गाउँपालिका–१, समैजीको बिन्द्राधुरा सामुदायिक वनको नजिकै मृत अवस्थामा चितुवा फेला परेको हो ।

डिभिजन वन कार्यालय डडेल्धुराका प्रमुख वोधराज सुबेदी अनुसार शिकारीहरुले चितुवालाई पासोमा पारेर मारेको हुनसक्ने बताए । मरेको चितुवालाई डिभिजन वन कार्यालयमा ल्याइ छाला निकालेर राखिएको छ । छाला बाहेकका बाँकी अंग खाल्टोमा पुरिएको वन कार्यालयका प्रमुख सुवेदीको भनाई छ ।