काठमाडौं, ७ पुस । प्रधानमन्त्री केपी शर्मा ओलीले सरकारलाई असफल बनाउन चारैतिरबाट आलोचना भईरहेपनि आफु देश विकासका लागि निरन्तर लागि परेको बताएका छन् ।
शनिबार ज्यापु संस्कृती विकास कोषद्धारा आयोजित १५ औँ ज्यापु दिवस कार्यक्रमको उद्घाटनपछि बोल्दै प्रधानमन्त्री ओलीले यस्तो बताएका हुन् । उनले विगतमा सरकारलाई अलोकप्रिय बनाउने प्रयास गरिएको भएता पनि असफल भएको बताए ।
प्रधानमन्त्री ओलीले नेपाल सांस्कृतिक विविधता भएको देश भएकाले सवै पर्वमा सार्वजनिक बिदा दिन नसकिएको बताए । उनले विदा कटौती गरिएको विषयमा पुनःछलफल गर्न सकिने धारणा राखे।
त्यसैगरी, कार्यक्रममा ज्यापु संस्कृती विकास कोषका अध्यक्ष मंगलकृष्ण सिंहले जनजाती समुदायको मौलिक पर्वमा दिइने बिदा कटौती नगर्न सरकारसंग माग गरे ।
वर्षका १२ पूर्णिमामध्ये मंसिर शुक्ल पूर्णिमाका दिन ‘यःमरि पुन्हि’ अर्थात् धान्निपूर्णिमा मनाउन गरिन्छ । यो वर्ष पनि नेवारी समुदायले धुमधामका साथ यःमरी पर्व मनाएका छन् ।
