काठमाडौं, २८ मंसिर । आजबाट नेपाली कांग्रेस महासमिति बैठकको चहलपहल शुरु भएको छ ।
महासमिति बैठकका लागि देशभरबाट काठमाडौं आएकाहरुलाई स्वागत र नाम दर्ताको कार्यक्रम शुक्रबार पार्टी कार्यालय सानेपामा राखिएको छ ।महासमिति बैठकको उदघाटन भने शनिबार हुने छ ।
शनिबार विहान ११ बजे रामशाहपथस्थित योगम्बर पार्टी प्यालेसमा पार्टी सभापति शेरबहादुर देउवाले महासमिति बैठकको उदघाटन गर्ने भएका छन् ।
पुस ३ गतेसम्म चल्ने महासमिति बैठकको मुख्य एजेण्डा पार्टीको विधान संशोधन भएकाले यसलाई चासोका साथ हेरिएको छ । शनिबार उदघाटन कार्यक्रम सकिएलगत्तै बन्दसत्र शुरु हुनेछ ।
