काठमाण्डौँ, ११ भदौ । कात्र्तिक १७ लाई रिलिज डेट तोकेको फिल्म ‘फाटेको जुत्ता’को ‘आई एम सरी’ गीत रिलिज गरिएको छ ।
कमेडी ड्रामा जनराको फिल्मको यस गीतमा सौगात मल्ल, प्रियंका कार्कीसँगै कामेश्वर चौरासियालाई देख्न सकिन्छ । गीतमा प्रवेश मल्लको स्वर, शब्द र संगीत रहेको छ ।
‘चपली हाईट’ निर्माता अर्जुन कुमारको फिल्म फाटेको जुत्ता पनि प्रतिक्षित सिनेमाको रुपमा हेरिएको छ । फिल्मलाई निकेश खड्काले निर्देशन गरेका हुन् ।
वीरगंज आसपास खिचिएको फाटेको जुत्तामा प्रियंका, सौगातको अलवा बुद्धि तामाङ, रविन्द्र झा, अनोज पाण्डे समेतको अभिनय रहेको छ ।
