अछाम, २९ कात्तिक । ज्याला मजदुरीको सिलसिलामा भारत गएका अछामेलीहरु माघीलाई लक्षित गर्दै धमाधम घर फर्किरहेका छन् । भारतको विभिन्न शहरहरुमा काम गर्दै आएका अछामेलीहरु दसैं र तिहार मनाउन घर आउन नपाएकाहरु माघिलाई लक्षित गर्दै घर फर्किरहेका हुन् । अहिले रोजगारीको खोजीमा भारतको बिभिन्न शहरहरुमा जाने र फर्कनेहरुको अछामको बसपार्कमा भिड लागेको छ ।
सुदूरपश्चिमको पहाडी जिल्ला अछामका हजारौं स्थानीय नागरिक कामको सिलसिलामा भारतमा रहेका छन् । भारतमा दैनिक मजदुरी, चौकीदारी, घरेलु कामदार लगायत नेपालीहरुले काम गर्दै आएका छन् । स्वदेशमा रोजगारीको अवसर नहुँदा कामको खोजीमा भारत जाने यहाँका स्थानीयहरुको परम्परा नै हो ।
