काठमाडौं, २४ असोज । प्रहरी महानिरीक्षक सर्वेन्द्र खनालले केही दिनभित्रै प्रहरीले राम्रो काम गरेर देखाउने प्रतिवद्धता व्यक्त गरेका छन् ।
बुधवार ट्राफिक प्रहरीको सातदोबाटोकोे नयाँ भवन उद्घाटन कार्यक्रममा बोल्दै प्रहरी महानिरीक्षक खनालले केही प्रहरीको सानो गल्तीले पुरै संगठननै बद्नाम भएको भन्दै चिन्ता व्यक्त गरे । उनँले प्रहरीले कुनै पनि घटना नलुकाई सबै कुरा पारदर्शी रूपमा प्रस्तुत गरेको दावी गर्दै केही दिनमा देखिने गरी राम्रो काम गर्ने समेत बताए ।
प्रहरीमाथि अहिले हिलो छाप्ने काम भईरहेको भन्दै जनताले साथ दिनुपर्ने उनको भनाई थियो । महानिरीक्षक खनालले प्रहरी प्रशासनलाई पारदर्शी रूपमा काम गर्न निर्देशन समेत दिएका थिए ।
