काठमाडौं, १४ असार । नेपाल कम्युनिष्ट पार्टीका वरिष्ठ नेता मावधकुमार नेपालले देशमा फेरि खतरा आउन सक्ने भन्दै प्रधानमन्त्रीलाई सचेत गराएका छन् ।
माउण्टेन टेलिभिजनको कार्यक्रम ‘खरो प्रश्न’मा कुरा गर्दै वरिष्ठ नेता नेपालले बाहिर शान्त देखिएपनि भित्र खतराको संकेतहरु देखिइरहेको बताए । उनले आफूले प्रधानमन्त्रीलाई भेटेरै पनि सचेत गराइसकेको जानकारी दिए ।
नेता नेपालले पार्टीमा अध्यक्ष केपी शर्मा ओली र पुष्पकमल दाहाललाई जस्तै आफूलाई पनि चिन्ता रहेको भन्दै एउटा मात्र नेताले पार्टी संचालन नहुने बताए । उनले झलनाथ खनालको पोर्ट फोलीयो घटबढमा आफ्नो भूमिका नरहेको भन्दै बरु उनलाई राख्ने विषयमा आफूले कुरा गरेको बताए ।
अर्को प्रसंगमा नेता नेपालले देशका सबै निकायले नजान सुझाव दिदादिदै आफू उत्तरकोरिया शान्तिमिसनमा गएको भन्दै उत्तरकोरियामा सकारात्मक परिणाम देखिएको भन्दै खुशी व्यक्त गरे ।
