कैलाली, ३ जेठ । कैलालीका तीन युवाले धनगढीदेखि खप्तडसम्मको साइकल यात्रा गर्ने भएका छन् । धनगढी उपमहानगरपालिका २ का विवेक शर्मा, खगेन्द्रसिंह धामी र गोदावरी नगरपालिका ८ मजगाउँका भरतविक्रम शाहीले साइकल यात्रा गर्न लागेका हुन् ।
पर्यटकीय स्थल खप्तडमा पर्यटक भित्र्याउने उदेश्यले युवाहरुले यही जेठ ५ देखि साइकल यात्रा गर्न लागेका हुन् । पहिलो पटक खप्तडसम्म साइकल यात्रा हुन लागेकाले खप्तड राष्ट्रिय निकुञ्जमा आन्तरिक तथा बाह्य पर्यटकको आकर्षण बढ्ने अपेक्षा छ ।
