डोटी, ८ वैशाख । डोटीको शिखर नगरपालिका–३ आली गाउँमा जिप दुर्घटना हुँदा तीनजनाको घटनास्थलमै मृत्यु भएको छ । १६ जना घाइते भएका छन् । दिपायलबाट जोरागाउँतर्फ जाँदै गरेको शैलेश्वरी यातायातको ग१ज ५२७५ नम्बरको जिप दुर्घटनामा परेको प्रहरीले जनाएको छ।
दुर्घटनामा परी मृत्यु हुनेमा शिखर नगरपालिका–३ जोरगाउँका ४० वर्षीया खिन्तुरी भुल, ३२ वर्षीया कटी सार्की र १४ वर्षीय बालक सुरज भुल रहेको इलाका प्रहरी कार्यालय दिपायलले जनाएको छ । दुर्घटनाको कारण अझै खुलेको छैन । घाइतेलाई उपचारको लागि अस्पताल लगिएको छ ।