प्रतिनिधि सभाको उपसभामुखको निर्वाचन आज

काठमाडौं, २ चैत । प्रतिनिधि सभाको उपसभामुखको निर्वाचन आज हुने भएको छ । उपसभामुखका लागि नेकपा एमालेकी डा. शिवमाया तुम्बाहाम्फे र नेपाली कांग्रेसकी पुष्पा भुसाल प्रतिश्पर्धामा छन् ।

प्रतिनिधिसभामा वाम गठबन्धनको बहुमत रहेकाले एमालेकी तुम्बाहाम्फे निर्वाचित हुने निश्चित देखिएको छ । उपसभामुखमा संघीय समाजवादी फोरम नेपालले दाबी गरेपनि एमालेले तुम्बाहाम्फेलाई उम्मेदवार बनाएको हो ।