काठमाडौं ।
राष्ट्रिय स्वतन्त्र पार्टी (रास्वपा)का सांसद केपी खनालले कैलालीमा लागुऔषध दुव्र्यसनी भयावह बन्दै गएको भन्दै त्यसको नियन्त्रणका लागि सरकारको ध्यानाकर्षण गराउनुभएको छ ।प्रतिनिधि सभाको बुधवारको बैठकमा बोल्दै उहाँले यस्तो ध्यानाकर्षण गराउनुभएको हो । उहाँले कैलालीको खुला सीमा र जंगली क्षेत्रमा लागुऔषधको कारोेबार हुने गरेको उल्लेख गर्नुभयो । उहाँले लागु औषध दुव्र्यसनका कारण हजारौँ युवाहरुको जीवन बर्बाद भइरहेकोतर्फ सरकारको ध्यान जान जरुरी रहेको बताउनु भयो । लागुऔषध दुव्र्यशनीमा फसेका युवाहरुका कारण समाजमा चोरी, डकैती, झैझगडा, लुटपाट जस्ता घटनामा भएको भन्दै उहाँले त्यसको नियन्त्रणकाल लागि गृह मन्त्रालयको ध्यानाकर्षण गराउनु भयो ।लागुऔषधको ओसारपसार र प्रयोगलाई नियन्त्रणमा सक्रियता बढाउनुपर्नेमा उहाँको जोड छ ।
