स्पेनमा डढेलोको भीषण संकटः दशौँ हजार नागरिक विस्थापित

स्पेन पछिल्लो केही वर्षयताकै सबैभन्दा विनाशकारी डढेलोको संकटबाट गुज्रिरहेको छ । म्याड्रिड र छिमेकी प्रान्त एभिलाका विभिन्न क्षेत्रमा फैलिएको भीषण डढेलोका कारण दशौँ हजार मानिसहरू सुरक्षित स्थानतर्फ विस्थापित भएका छन् भने ठूलो संख्यामा नागरिकहरूलाई घरभित्रै रहन निर्देशन दिइएको छ । डढेलोले देशका हजारौँ हेक्टर वन क्षेत्र खरानी बनाएपछि स्पेन सरकारले राष्ट्रिय संकटकाल घोषणा गरेको छ । मध्य स्पेनका धेरै भागहरूमा डढेलो नियन्त्रण बाहिर रहेको अधिकारीहरूले जनाएका छन् । रातको समयमा तापक्रममा केही गिरावट आएपनि तिब्र हावा र न्युन आद्र्रताका कारण अग्नि नियन्त्रणको प्रयासमा चुनौती थपिएको छ । म्याड्रिडकी क्षेत्रीय अध्यक्ष इसाबेल डियाज आयुसोले यस घटनालाई ‘यस क्षेत्रको इतिहासकै सबैभन्दा भयावह डढेलो’ को रूपमा चित्रण गरेकी छिन् ।
पछिल्लो आधिकारिक तथ्याङ्कअनुसार म्याड्रिड, एभिला र टोलेडोका केही भागहरूबाट करिव ९१ हजार नागरिकलाई सुरक्षित स्थानमा सारिएको छ वा घरभित्रै बस्न भनिएको छ । म्याड्रिड र एभिलाका छिमेकी प्रान्तहरूमा मात्रै डढेलोले करिव ४५ हजार हेक्टर जमिनमा क्षति पु¥याएको छ । प्रभावित क्षेत्रमा उद्धार र आगो निभाउने कार्य जारी रहे पनि प्रतिकूल मौसमका कारण स्थिति अझै पूर्ण नियन्त्रणमा आउन सकेको छैन ।