पाकिस्तान र इरानद्वारा द्विपक्षीय सम्बन्ध सुदृढीकरण र क्षेत्रीय शान्तिका लागि प्रतिवद्धता व्यक्त

पाकिस्तानी राष्ट्रपति आसिफ अली जरदारी र पाकिस्तानको औपचारिक भ्रमणमा रहेका इरानी राष्ट्रपति मसुद पेजेस्कियानले द्विपक्षीय सम्बन्धलाई थप मजबुत बनाउनुका साथै क्षेत्रीय शान्ति र स्थिरता प्रवद्र्धन गर्ने प्रतिवद्धता दोहो¥याउनुभएको छ । मंगलवार भएको उच्चस्तरीय वार्ताका क्रममा दुई देशका राष्ट्रप्रमुखहरूले क्षेत्रीय शान्ति र सुरक्षा, द्विपक्षीय तथा क्षेत्रीय कनेक्टिभिटी र आर्थिक सहयोग लगायतका विविध विषयमा गहन छलफल गरेको पाकिस्तानको राष्ट्रपति कार्यालयले जनाएको छ । इरानी राष्ट्रपतिको रूपमा पेजेस्कियानको पहिलो पाकिस्तान भ्रमणलाई स्वागत गर्दै राष्ट्रपति जरदारीले यस भ्रमणले दुई छिमेकी मुलुकबीचको ऐतिहासिक र भ्रातृ सम्बन्धलाई प्रतिविम्बित गरेको बताउनु भयो । उहाँले चुनौतीपूर्ण र सुखद् दुवै समयमा दुई राष्ट्र एकसाथ उभिने दृढ संकल्प समेत व्यक्त गर्नुभयो ।
उक्त अवसरमा राष्ट्रपति जरदारीले अमेरिका र इरानबीचको शान्ति प्रक्रियालाई अगाडि बढाउने उद्देश्यले सम्पन्न ‘इस्लामावाद समझदारी पत्र’ का लागि इरानी राष्ट्रपतिलाई बधाई दिनुभयो । उहाँले हाल जारी प्राविधिक तहको वार्ताले यस क्षेत्रमा स्थायी शान्ति र स्थिरता कायम गर्न महत्वपूर्ण योगदान पु¥याउने आशा व्यक्त गर्नुभयो ।
पाकिस्तानले इरानको शान्ति, स्थिरता, राष्ट्रिय एकता, सार्वभौमसत्ता र क्षेत्रीय अखण्डताप्रति आफ्नो सैद्धान्तिक समर्थन रहेको पुनः स्पष्ट पारेको छ । राष्ट्रपति जरदारीले क्षेत्रीय र विश्वव्यापी चुनौतीहरूको समाधानका लागि संवाद र कुटनीति नै सबैभन्दा प्रभावकारी माध्यम भएको कुरामा जोड दिनुभयो ।
जवाफमा इरानी राष्ट्रपति पेजेस्कियानले शान्ति र संवादको पक्षमा पाकिस्तानले खेल्दै आएको रचनात्मक भुमिकाको प्रशंसा गर्नुभयो । उहाँले हालैका चुनौतीपूर्ण परिस्थितिहरूमा इस्लामावादले प्रदान गरेको सहयोगप्रति आभार प्रकट गर्दै तेहरानले पाकिस्तानसँगको सम्बन्धलाई उच्च प्राथमिकता दिएको बताउनु भयो । उहाँले राजनीतिक, आर्थिक, सुरक्षा र क्षेत्रीय मामिलाहरूमा सहकार्यको दायरा विस्तार गर्न इरान तत्पर रहेको उल्लेख गर्नुभयो ।