अजितकुमार झा
सुनसरी, ८ फागुन । सुनसरीको इनरुवा १ मा रहेको भगवती माध्यामिक विद्यालयको नयाँ भवन बनेको तीन बर्ष बित्यो । तर विद्यालयले पुरानै जीर्ण भएको भवनमा पठनपाठन संचलन गरिरहेको छ । जीर्ण भवनमा जोखिम मोलेर विद्यार्थीहरु पढन् बाध्य छन् ।
कतै भवनको अवभामा बिद्यार्थीहरु खुल्ला चौर र जीर्ण भवनमा पढ्न बाध्य छन् त कतै भवन भएर पनि विद्यार्थीले पढ्न पाएका छैनन् । सुनसरीको इनरुवा १ मा रहेको भगवती माध्यामिक विद्यालयको नयाँ भवन बनेको तीन बर्ष बित्यो तर विद्यालयले पुरानै भवनमा पठन पाठन संचालन गरिरहेको छ । विद्यालयका लागि १८ कोठाको तीन तल्ले नयाँ भवन बनाइएको छ । जीर्ण भवनमा जोखिम मोलेर बालबालिकाले पढ्न बाध्य भएको अभिभावको गुनासो छ ।
वर्षाको समयमा पानी चुहिने र गर्मीमा अत्याधिक गर्मी तथा जाडोको समयमा सित चुहिने भवनमा पढ्नु परेको विद्यार्थीहरुको गुनासो छ । भारतको सहयोगमा २०७२ सालमै ३ करोडको लागतमा भवन बनाइएको हो । नयाँ भवन हस्तान्तरण नभएकाले पुरानै भवनमा पठनपाठन संचालन गर्नुपरेको विद्यालयको भनाई छ ।
विद्यालयको भवन हस्तान्त्रण गरि नयाँ भवनमा पठनपाठन संचालन गर्न सम्बन्धित निकायले पहल गर्नु आवश्यक छ ।
