काठमाडौँ ।
दक्षिण कोरियाका पूर्वराष्ट्रपति युन सुक–योलले झुटो गवाही सम्बन्धी मुद्दामा अदालतबाट सफाइ पाएका छन् । पूर्वप्रधानमन्त्री हान डक–सु जोडिएको ‘विद्रोहमा सहयोग’ सम्बन्धी मुद्दामा गलत तथ्य प्रस्तुत गरेको भन्दै युनमाथि लगाइएको आरोपमा अदालतले उनलाई निर्दोष ठहर गरेको हो । योनहाप समाचार एजेन्सीकाअनुसार बिहीवार भएको पहिलो चरणको सुनुवाइमा अदालतले युनलाई उक्त मुद्दाबाट सफाइ दिने फैसला सुनाएको हो । पूर्वप्रधानमन्त्री हानको मुद्दासँग सम्बन्धित प्रक्रियामा युनले शपथ खाएर झूटो बयान दिएको दाबी गर्दै उनीविरुद्ध मुद्दा दायर गरिएको थियो । अदालतको यो फैसलासँगै पूर्वराष्ट्रपति युनलाई कानूनी रूपमा ठूलो राहत मिलेको छ । यद्यपि यो पहिलो चरणको फैसला भएकाले यसमा पुनरावेदन हुनसक्ने सम्भावना भने बाँकी नै रहेको छ ।
