काठमाडाैं । खोटाङमा भएको हेलिकाेप्टर दुर्घटनामा कसैको ज्यान गएको छैन, एक जना घाइते हुनुभएको छ । सुरुमा शव लिएर गएकाे हेलिकाेप्टर दुर्घटना भएको भनिए पनि दुर्घटनाग्रस्त हेलिकाेप्टरमा शव नभएको जिल्ला प्रहरी कार्यालय खोटाङका प्रमुख डिएसपी प्रकाश बुढाथोकीले बताउनुभयो ।
हेलिकाेप्टरमा शव राखिएको बाकस नअटेपछि शव गाडीबाट पठाएर मृतकका आफन्त हेलिकाेप्टरमा गाउँ गएकाे पाइएको डिएसपी बुढाथोकीले बताउनुभयो । शवको दाहसंस्कार गर्न गाउँ आएका स्थानीय चढेको हेलिकाेप्टर केपिलासगढी गाउँपालिका–२, खार्ताम्छाको बालाबेसीमा चैत ४ गते अपरान्ह १२ बजे दुर्घटना भएको हो ।
काठमाडौँबाट बालाबेँसी पुगेर ल्यान्ड गर्ने क्रममा एयर डाइनेस्टिको हेलिकाेप्टर दुर्घटनामा परेको हो । सुरुमा बारीको डिलमा बसेको हेलिकाेप्टरलाई पुःन उठाएर बारीको बिचमा सार्न खोज्दा उछिट्टिएर माथिल्लो गह्राको भित्तामा बजारिएको थियो ।
