काठमाडाैं । इरानले युएईलाई लक्षित गरी गरेको हवाई आक्रमणमा मृत्यु भएका गोरखाका दिवस श्रेष्ठको शव नेपाल ल्याउने प्रक्रिया शुरु गरिएको परराष्ट्र मन्त्रालयले जनाएको छ । मन्त्रालयका प्रवक्ता लोकबहादुर क्षेत्रीलेसंयुक्त अरब इमिरेट्सको अबुधाबीस्थित जायद अन्तर्राष्ट्रिय विमानस्थलमा ड्रोन निष्क्रिय पार्ने क्रममा भएको घटनामा मिडिल इस्ट कम्पनीमा सेक्युरिटी गार्डको रुपमा कार्यरत २९ वर्षीय श्रेष्ठको निधन भएको जानकारी दिनुभयो ।
क्षेत्रीले अहिले खाडी मुलुकहरुमा रहेका र ट्रान्जिटमा फसेका सबै नेपाली सुरक्षित रहेको बताउनु भयो । उहाँका अनुसार खाडी क्षेत्रमा रहेका १० वटै नियोग तथा सरकारी निकायहरुबाट पछिल्लो घटनाक्रमबारे निरन्तर रुपमा प्रतिवेदन प्राप्त भइरहेको छ ।
बाइट…लोकबहादुर क्षेत्री, प्रवक्ता, परराष्ट्र मन्त्रालय यसैबीच पश्चिम एशियामा विकसित पछिल्लो सुरक्षा परिस्थितिलाई ध्यानमा राख्दै सरकारले ‘इमरजेन्सी रेस्पोन्स टिम’ गठन गरेको छ ।
मध्यपूर्वमा रहेका नेपाली नागरिकको सुरक्षा, समन्वय र आवश्यक परे उद्धार व्यवस्थापनका लागि परराष्ट्र सचिव अमृतबहादुर राईको संयोजकत्वमा ‘इमरजेन्सी रेस्पोन्स टिम’ गठन गरिएको हो । टिमले मध्यपूर्वमा भइरहेका पछिल्ला घटनाक्रमको निरन्तर अनुगमन गर्ने, अन्तरनिकाय समन्वय सुदृढ गर्ने तथा आवश्यक परे उद्धारका लागि उपयुक्त कदम चाल्न सरकारलाई सुझाव दिनेछ ।
उहाँले परराष्ट्र सचिव राईको निर्देशनअनुसार टिमले काम शुरु गरिसकेको जानकारी दिनुभयो ।
