काठमाडौं
महानगरपालिकाका मेयर बालेन्द्र साहले महानगर प्रहरीको काम सिनेमा हेरेजस्तो लाग्ने गरेको बताएका छन । ३३ औँ महानगर प्रहरी दिवसको अवसरमा शनिवार काठमाडौंमा आयोजित कार्यक्रममा मेयर साहले सानोमा आफूले हलिउड सिनेमा हेर्दा सिटी पुलिसले गरेको जस्तो काम अहिले काठमाडौं महानगर प्रहरीले गरिरहेको उल्लेख गरे ।
सिनेमामा देखाईएको काम वास्तविक रुपमा हुनु खुशीको कुरा भएको मेयर साहको भनाइ छ । उनले काठमाडौं महानगरबाट धेरै पालिकाहरुले काम गर्ने शैली सिक्न खोजेको दाबी पनि गरे । त्यसमा महानगर प्रहरीको ठूलो योगदान रहेको उनले बताए । काठमाडौं महानगरपलिका भित्रका सार्वजानिक सम्पतीको संरक्षण गर्ने, अतिक्रमण हटाउने, महानगरपालिकामा सुशासन, सुव्यवस्था, अनुगमन गर्ने कामहरुमा महत्वपूर्ण भुमिका रहेको भन्दै उनदे नगरप्रहरीको प्रशंसा गरे ।
कार्यक्रममा काठमाडौं महानगरपालिकाकी उपमेयर सुनिता डंगोलले महानगर प्रहरीलाई व्यक्तिको नभई संस्थाको प्रतिनिधि भएर काम गर्न सुझाव दिए । महानगर प्रहरी मेयर बालेन्द्र साहको निर्देशनअनुसार मात्रै चल्ने गरेकोप्रति लक्षित गर्दै उनले फिल्डमा व्यक्तिको नभई संस्थाको प्रतिनिधि भएर खटिन आग्रह गरे । उनले कानूनी शासनको प्रतिनिधित्व गर्ने कुराको मानक स्थापना गर्न पनि नगर प्रहरीलाई आग्रह गरे । उनले काठमाडौं महानगरपालिकामा सुशासन स्थापनाको उदाहरण बन्न नगर प्रहरीलाई आग्रह गरे ।०००
