२०८१,१२,१८
प्रधानमन्त्री केपी शर्मा ओली राजावादीले आगजनी गरेका नेकपा एकीकृत समाजवादीको कार्यालय अवलोकन गर्न पुगेका छन्। चैत १५ गते तीनकुनेमा प्रदर्शन गर्ने क्रममा राजावादीहरूले आलोकनगरस्थिति एकीकृत समाजवादीको केन्द्रीय कार्यालयमा तोडफोड तथा आगजनी गरेका थिए। एमाले अध्यक्षसमेत रहेका प्रधानमन्त्री ओली सोमबार अवलोकनका लागि पुगेका हुन्। आइतबार निधन भएका एकीकृत समाजवादी आबद्ध वरिष्ठ पत्रकार तथा लेखक कमल कोइरालालाई अन्तिम श्रद्धाञ्जली दिन पुगेका बेला उनले समाजवादीको पार्टी कार्यालयसमेत अवलोकन गरेका हुन्।
एकीकृत समाजवादीका नेताहरूका अनुसार प्रधानमन्त्रीले पार्टी कार्यालयमा आगजनी हुनु दुःखद भएको भन्दै सरकारले संलग्नहरूमाथि कडा कारबाही गर्ने बताएका छन्।
