२०८१ श्रावण १३ पेरिस ओलम्पिक २०२४ अन्तर्गत नेपालका ब्याडमिन्टन खेलाडी प्रिन्स दाहाल समूहको पहिलो खेलमा सोझो सेटमा पराजित भएका छन् ।
समूह ‘पी’ मा रहेका प्रिन्स विश्व वरियतामा दोस्रो नम्बरमा रहेका डेनमार्कका भिक्टर एक्सेलसनसँग सोझो सेटमै पराजित भएका हुन् । प्रिन्सका लागि भिक्टर निकै उत्कृष्ट सावित भए ।
प्रिन्स ८–२१ र ६–२१ स्कोर सहित सोझो सेटमै पराजित भएका हुन् । यद्यपी प्रिन्सले अझै दुई खेल खेल्न बाँकी रहेको छ ।
ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्सले अब आयरल्यान्डका नियात नुयन ४३औं वरीयता र इजरायलका मिसा जिल्वरमन ५९औं वरीयता विरुद्ध खेल्नेछन् ।
प्रिन्स विश्व वरीयतामा १ सय ७२औं स्थानमा रहेका छन् । कुल ६ खेलका ७ खेलाडीसहित २७ जना नेपालको ओलम्पिक टोलीमा रहेका छन् । ०००
