चितवन भरतपुर महानगरपलिका–२९ को नारायणगढ–मुग्लिङ सडक खण्डको सत्र किलोमा चारवटा सवारी साधन एकैठाउँमा ठोक्किएका छन् ।
गएराति भएको सो दुर्घटनामा एकजनाको मृत्यु भएको छ भने २३ जना घाइते भएका छन् । घाइतेमध्ये सात जनाको अवस्था भने गम्भीर रहेको छ ।
यस्तै घाइते मध्ये १८ जनाको इच्छाकामना आधारभुत अस्पताल कुरिन्टारमा र चारजनाको नयाँ मेडिकल कलेज भरतपुरमा उपचार भइरहेको छ ।
काठमाडौंबाट प्युठानतर्फ जाँदै गरेको बा ४ ख ९०८६ नम्बरको बस, नारायणगढदेखि मुग्लिनतर्फ जाँदै गरेको ना ३ ख ७९१५ नं को ट्रक, काठमाडौंबाट महोत्तरी बर्दिवासतर्फ जाँदै गरेको गरेको ना ७ ख ३२४८ नम्बरको बस र वीरगंञ्जबाट काठमाडौंतर्फ आउँदै गरेको ना ६ ख ८९६८ नम्बरको बस एकै ठाउँमा ठक्कर खाँदा सो दुर्घटना भएको हो । ०००
