पूर्वप्रधानमन्त्री एवं नेकपा (एकीकृत समाजवादी) का सम्मानित नेता झलनाथ खनालले नेपालका सम्पदाहरुलाई ठिक ढंगले विकास गर्नसके देश कायापलट हुने बताउनुभएको छ ।
शुक्रवार चितवनमा भरतपुर भ्रमण वर्ष २०२४ उद्घाटन समारोहमा बोल्दै उहाँले यस्तो बताउनुभएको हो । उहाँले नेपालका सुन्दर सम्पदाहरुलाई आर्थिक उपार्जनको मार्गमा ल्याउनसके नेपालको अर्थतन्त्रमा काया कल्प हुने बताउनु भयो ।
उहाँले नेपालका हिम श्रृंखला, तराईका फाँट, पहाडका चुचुराहरु नेपालका धेरै मनमोहक रहेको बताउनु भयो ।
उहाँले चितवन देशको सभ्यता र सम्भावनाहरु बोकेको महत्वपूर्ण उपत्यका भएको पनि बताउनु भयो । उहाँले कमी भएका ठाउँमा सुधार गरेर कोर्ष करेक्शन गर्न जरुरी रहेको बताउनु भयो । वर्तमा संविधानको भाग ४ अध्ययन गरी देशको बजेट र नीति तथा कार्यक्रम तय गर्नुपर्ने बताउनु भयो ।
उहाँले भन्नुभयो, ‘नेपाल एउटा साँच्चै नै सुन्दर मुलुक हो । यो नेपालको सौन्दर्य हाम्रो आफ्नो नेपालको अत्यन्त महत्वपूर्ण सम्पदा हो ।
यो सम्पदालाई हामीले ठिक ढंगले विकास गर्न, आर्थिक उपार्जनको मार्गमा ल्याउनसके नेपालको अर्थतन्त्रमा काया कल्प हुन्छ । यो कुरा धेरै विशेषज्ञले भन्दै आएको कुरा हो ।
उत्तरमा सुन्दर हिमश्रृंखला छन् । तराई फाँट सुन्दर महत्व बोकेको छ । चितवन हाम्रो देशको सभ्यता र सम्भावनाहरु बोकेको महत्वपूर्ण उपत्यका हो । यसको विकास गर्ने सिलसिलामा बहुआयामिक पक्षमा सम्भावना अघि बढेको छ ।’
पूर्वप्रधानमन्त्री खनालले देशको अर्थतन्त्रको जग कृषिक्षेत्र गतिहिन अवस्थामा रहेको बताउनु भयो । उहाँले देशको उद्योगलाई गति दिन धेरै काम गर्नुपर्ने आवश्यकता रहेको बताउनु भयो । देश बेरोजगारीको समस्याले ग्रस्त बनेको बताउनु भयो
