काठमाडौं,२ फागुन । आज दुई वटा संसदीय समितिको बैठक बस्दैछ । जसअन्तर्गत आज दिउँसो १ बजे दिगो विकास तथा सुशासन समितिको बैठक बस्दैछ ।
बैठकमा अपाङ्गता भएका व्यक्तिहरुको राजनैतिक अधिकार प्रवद्र्धन सम्बन्धमा प्रश्तुती र छलफल हुनेछ ।
नेपालमा निर्वाचन प्रणाली र सुशासन विषयमा छलफल समेत हुने कार्यसूचि रहेको छ । त्यस्तै दिउँसो नै १ बजे बस्ने विधायन व्यवस्थापन समितिको बैठकमा विधायन सम्बन्धी विधेयक, २०८० को प्रतिवेदन मस्यौदामाथि छलफल हुनेछ ।
