डडेल्धुरामा निस्सासिएर २ जनाको मृत्यु

बिमल जैरु ||
डडेल्धुरा २२ माघ ||
डडेल्धुरामा निस्सासिएर दुई जनाको मृत्यु भएको छ । जिल्लाको अमरगढी नगरपालिका वडा नम्बर १ मालमकि ६० वर्षीया धौलीदेवी दियाल र २६ वर्षीया पुनम दियालको मृत्यु भएको जिल्ला प्रहरी कार्यालय डडेल्धुराका प्रहरी निरीक्षक कुसुम नायकले जानकारी दिनुभयो ।
बिहान बेहोस भेटिएका उनीहरूलाई डडेल्धुरा अस्पताल ल्याइएकोमा अस्पतालले मृत घोषणा गरिसकेको प्रहरी निरीक्षक नायकले जानकारि दिनु भयो । उहाँका अनुसार मृतक दुबै सासू–बुहारी हुन । कोठामा आगो बालेर झ्याल–ढोका बन्द गरी सुतेको कोठामा अक्सिजन कमी भई निस्सासिएर उनीहरूको मृत्यु भएको हो ।