एजेन्सी,११ पुस । गुजरात हाईकोर्टमा एउटा अनौठो घटना बाहिर आएको छ । श्रीमानको निवेदनलाई एक श्रीमतीले चुनौती दिएकी छन् । श्रीमतीले महिनामा दुई साताको अन्त्यमा श्रीमानको घर जाँदा वैवाहिक दायित्व पूरा गर्नु बराबर हो,होइन भन्ने मुद्दा उच्च अदालतमा उठाएकी छिन् ।
वास्तवमा महिलाका श्रीमानले पारिवारिक अदालतमा निवेदन दिएका थिए । उनले आफ्नो निवेदनमा आफ्नी श्रीमतीले पर्याप्त समय नदिने भएकाले उनीहरुको वैवाहिक जीवन राम्रो नरहेको बताएका थिए । पतिले हिन्दू विवाह कानूनको धारा ९ को हवाला दिँदै गत वर्ष सुरत परिवार अदालतमा याचिका दायर गरेका थिए । श्रीमानले आफ्नी श्रीमतीलाई हरेक दिन आफूसँगै बस्न निर्देशन दिनुपर्ने बताएका थिए । श्रीमानले परिवार अदालतमा श्रीमती हरेक दिन आफूसँग नबस्ने बताए । छोरा जन्मिएपछि श्रीमती कामको बहानामा बाबुआमासँग बस्न गइन् ।
आफूले असन्तुष्टि व्यक्त गर्दा श्रीमती महिनामा दुईपटक मात्र भेट्न आउने श्रीमानले बताए । बाँकी समय आमाबुवाको घरमा बस्छिन् । श्रीमतीले आफ्नो वैवाहिक अधिकारबाट वञ्चित गरेको श्रीमानले बताए । छोराको स्वास्थ्यको चिन्ता नगरी आफ्नो जागिर पनि जारी राखे ।
यद्यपि, श्रीमतीले यस महिनाको सुरुमा आफ्नो पतिको निवेदनलाई उच्च अदालतमा चुनौती दिएकी थिइन् । श्रीमतीले निवेदनलाई चुनौती दिँदै आफू एक महिनामा दुई साताको अन्त्यमा श्रीमानसँग बसेमा वैवाहिक दायित्व पूरा गरेजस्तो नभएको बताइन् ।
श्रीमतीले एक महिनामा दुई साताको दिन श्रीमानको घर जाने गरेको पारिवारिक अदालतमा बताइन् । श्रीमानले गरेको दाबी झुटो भएको श्रीमतीले बताइन् । तर, पारिवारिक अदालतले श्रीमतीको जवाफ अस्वीकार गर्दै मुद्दाको पूर्ण सुनुवाइ नभएसम्म कुनै निर्णय हुन नसक्ने बताएको छ ।
यसै क्रममा उच्च अदालतले श्रीमानले आफ्नी श्रीमतीलाई आफूसँग बस्न भने भने के गलत भयो भनेर सोधेको छ । यी मुद्दाहरू विचार गर्न आवश्यक छ । हाल अदालतले श्रीमानलाई २५ जनवरीसम्ममा जवाफ पेश गर्न भनेको छ ।
