रसुवा,१० पुस । अवैध लागूऔषधसहित एकजना पक्राउ परेका छन् ।
गोसाईकुण्ड गाउँपालिका–६ ठाडेखोलाबाट अवैध लागूऔषध चरेश जस्तो देखिने पदार्थ ६ सय ६८ ग्रामसहित आमाछोदिङ्मो गाउँपालिका–४ गोल्जुङ बस्ने ५५ वर्षीय दावा तामाङलाई आइतबार राति प्रहरीले पक्राउ गरेको हो ।
प्रहरी चौकी हाकुबाट खटिएको प्रहरीले गोल्जुङवेशीबाट मैलुङतर्फ जाँदै गरेको बा.७६ प ३७५ नम्बरको मोटरसाइकललाई जाँच गर्ने क्रममा चालक तामाङलाई उक्त पदार्थसहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
