काठमाडौं, १ पुस। आगामी पौष ७ गते नेपाली कांग्रेस बागमती प्रदेशले प्रदेशस्तरीय प्रथम सम्मेलन आयोजना गरेको छ । प्रथम बाग्मती प्रदेश सम्मेलनमा कांग्रेस बाग्मती प्रदेश स्वास्थ बिभागले स्वास्थ्य शिविर सञ्चालन गर्ने भएको छ ।
आज बसेको बैठकले रक्तदान,स्वास्थ्य जाँच र दन्त परीक्षण जस्ता स्वास्थ्य सेवा दिने निर्णय गरेको कांग्रेस बाग्मती प्रदेश स्वास्थ बिभाग कार्यसमिति प्रमुख डा।अमितसिंह कार्कीले बताउनु भयो ।
कांग्रेस बाग्मती प्रदेशको कार्य सम्पादन समितिको बैठकले पहिलो सम्मेलन पौष ७ गते गर्ने निर्णय गरेको हो ।
प्रदेश सभापति इन्द्रबहादुर बानियाँको संयोवकत्व तथा प्रदेश समितिका सबै पदाधिकारी सदस्य रहेको सम्मेलन मुल आयोजक समिति गठन गरिएको छ । पहिलो सम्मेलनको उद्घाटन सभापति शेरबहादुर देउवाले गर्नेछन् ।
