काठमाडौं, २७ मंसिर । इशाई धर्म प्रचारमा खटिएका चरीबहादुर गहतराजले आफूलाई सीबी गहतराजका नामले चिनाउँदै आएका थिए ।
इशाई धर्म प्रचार र त्यससँग गतिविधिमा उनी सक्रिय थिए । उनले आफूलाई नेपालमा इशाई धर्मको सबैभन्दा प्रभावशाली व्यक्तिका रुपमा चिनाउँथे । तर, उनको शैक्षिक प्रमाणपत्र नक्कली भेटिएपछि प्रहरीले पक्राउ गरेको छ ।
गहतराजको प्रमाणपत्रको वास्तविकता बाहिर आउनुमा ख्रीष्टियन महासंघभित्रको विवाद पनि हो । पदका लागि विवाद भएपछि एउटा समूहले उनको भण्डाफोर गरिदियो ।
उनले स्नातकको प्रमाणपत्र नक्कली बनाएर पत्रिकाको सम्पादक बनेको समेत खुलेको छ । उनलाई प्रहरीले सप्रमाण मंगलबार अपरान्ह सिंहदरबारबाट पक्राउ गरेको छ । पशुपति क्याम्पसबाट स्नातक उत्तीर्ण गरेको प्रमाणपत्र नक्कली बनाएका छन् उनले ।
