काठमाडौं,२२ मंसिर । नेपाली सेनाले अधिकृत पदहरुमा भर्ना खुलाएको छ । प्राड,प्राविधिक,विविधलगायत सेवा तर्फका अधिकृत पदहरुमा खुला तथा समावेशी प्रतियोगिताबाट पदपुर्ति हुनेगरी दरखास्त आह्वान गरेको हो ।
सेनाले आज एक सुचना प्रकाशित गरेर उपसेनानी,एमबीबीएस डाक्टर,सैनिक परिचारिका,डेन्टल टेक्निसियन,क्लिनिकल साइकोलोजिस्टलगायत पदमा भर्ना खुलाएको हो । त्यसैगरी,अटोमोबाइल इन्जिनियर,इलेक्ट्रोनिक्स इन्जिनियर,सिभिल इन्जिनियर र कम्प्युटर इन्जिनियर पदमा भर्ना खुल्ला गरेको छ ।
विभिन्न पदमा आजदेखि पुस २१ गतेसम्म दरखास्त दिन सकिन्छ भने दोब्बर दस्तुर बुझाएर पुस २२ गतेसम्म दरखास्त फारम बुझाउन सकिने सुचनामा उल्लेख गरेको छ ।
